Moviewingz
  • Home
  • ஆன்மீகம்
  • திருவானைக்காவல் ஜம்புகேஸ்வரர் ஆலயத்தில் மகா கும்பாபிஷேகம்!
ஆன்மீகம்

திருவானைக்காவல் ஜம்புகேஸ்வரர் ஆலயத்தில் மகா கும்பாபிஷேகம்!

பஞ்சபூத ஸ்தலங்களில் நீர் ஸ்தலமான திருவானைக்காவல் ஜம்புகேஸ்வரர் ஆலயத்தின் மகா கும்பாபிஷேக விழாவில் லட்சகணக்கான பக்தர்கள் கலந்து கொண்டு சாமி தரிசனம் செய்தனர்.

பஞ்சபூத ஸ்தலங்களில் நீர் ஸ்தலமாக விளங்கும், திருச்சி திருவானைக்காவல் அகிலாண்டேஸ்வரி உடனுறை ஜம்புகேஸ்வரர் ஆலயம், கோச்செங்கோட்சோழனால் கட்டப்பட்ட முதல் மாடக் கோயில் ஆகும்.

2500 ஆண்டுகள் பழமை வாய்ந்த இத்திருக்கோவிலில் கடந்த 2000ம் ஆண்டு மகா கும்பாபிஷேகம் நடைபெற்றது.

இந்நிலையில் 18 ஆண்டுகளுக்கு பின்னர் கும்பாபிஷேகம் நடத்த முடிவு செய்யப்பட்டு, சுமார் 5 கோடி மதிப்பில் கோயிலில் திருப்பணி வேலைகள் நடந்து வந்தன.

இதையடுத்து முதல் கட்டமாக கடந்த 9-ந்தேதி பரிவார மூர்த்திகள் மற்றும் உப சன்னதிகளுக்கு கும்பாபிஷேகம் நடைபெற்றது.

இதனையடுத்து இரண்டாம் கட்டமாக இன்று ஜம்புகேஸ்வரர், அகிலாண்டேஸ்வரி மூலஸ்தான சன்னதி மற்றும் ராஜகோபுரம், சுந்தரபாண்டியபுரம் உள்பட 7 கோபுரங்களுக்கு,

காஞ்சி சங்கராச்சாரியார் சங்கர விஜயேந்திர சரஸ்வதி சுவாமிகள் முன்னிலையில் புனித நீர் ஊற்றபட்டு கும்பாபிஷேகம் நடைபெற்றது.

இதில் ஆயிரக்கணக்கான பக்தர்கள் கலந்து கொண்டு சாமி தரிசனம் செய்தனர்.

முன்னதாக மகா கும்பாபிஷேகத்தை முன்னிட்டு, நேற்று இரவு 5-ம் கால யாகசாலை பூஜை மற்றும் பூர்ணாஹுதி, தீபாராதனைகள் நடைபெற்றன.

இதில் தமிழக கவர்னர் பன்வாரிலால் புரோகித் கலந்து கொண்டார். அப்போது அவருக்கு சிறப்பு மரியாதை செய்யப்பட்டது.

Related posts

மார்கழியின் மகிமகளை அறிவோமா…??

Movie Wingz

12 ராசிகளுக்கு பலம் தரும் பரிகார பலன்…!

Movie Wingz

ஸ்ரீரங்கம் கோயிலில் வைகுண்ட ஏகாதசி திருவிழா கோலாகல தொடக்கம்!

Movie Wingz

Leave a Comment