இலங்கை கிரிக்கெட் வீரர் முத்தையா முரளிதரன் வாழ்க்கை வரலாற்றுப் திரைப்படத்தில் மக்கள் செல்வன் விஜய் சேதுபதி.

சென்னை : 08 அக்டோபர் 2020

இலங்கை கிரிக்கெட் வீரர் முத்தையா முரளிதரன் கதாபாத்திரத்தில் நடிகர் மக்கள் செல்வன் விஜய் சேதுபதி நடிக்கும் திரைப்படம் பற்றிய அதிகாரபூர்வத் தகவல்கள் விரைவில் வெளியிடப்பட்டுள்ளது.

133 டெஸ்டுகள், 350 ஒருநாள், 12 டி20 ஆட்டங்களில் விளையாடி இலங்கையின் மகத்தான கிரிக்கெட் வீரராக அறியப்பட்டுள்ள முத்தையா முரளிதரனின் வாழ்க்கை வரலாற்றுப் திரைப்படத்தில் நடிக்கிறார் நடிகர் மக்கள் செல்வன் விஜய் சேதுபதி.

இதுகுறித்து நடிகர் மக்கள் செல்வன் விஜய் சேதுபதி முன்பு பேட்டியளித்ததாவது

தமிழ் இனத்தின் சிறந்த கிரிக்கெட் வீரர் முத்தையா முரளிதரன் உலகம் முழுக்கத் தன் முத்திரையைப் பதித்துள்ளார்.

முத்தையா முரளிதரனாக நடிப்பது எனக்கு மிகவும் சவாலாக இருக்கும்.

ஆனால் அந்த வேடத்தில் நடிக்க ஆர்வமாக உள்ளேன்.

இந்தப் திரைப்படத்தில் ஆர்வத்துடன் தன்னைஈடுபடுத்திக்கொள்ளவுள்ளார் முத்தையா முரளிதரன். கிரிக்கெட் தொடர்பான விவரங்களில் எனக்கு ஆலோசனகள் சொல்லவுள்ளார் என்றார்.

நடிகர் மக்கள் செல்வன் விஜய் சேதுபதி போன்ற ஒரு அற்புதமான நடிகர் எனது வேடத்தில் நடிப்பதைக் நான் மிகவும் கெளரவமாக எண்ணுகிறேன்.

இந்த திரைப்படத்தின் படப்பிடிப்பு முடியும்வரை இப்படத்துடன் என்னை ஈடுபடுத்திக்கொள்ளப் போகிறேன் என்று முத்தையா முரளிதரன் கூறி உள்ளார்.

தமிழ் உள்ளிட்ட பல மொழிகளில் வெளியாகவுள்ள இந்தப் திரைப்படத்தை இயக்குநர் எம்.எஸ். ஸ்ரீபதி இயக்குகிறார்.

இந்நிலையில் இந்த திரைப்படம் பற்றிய அதிகாரபூர்வத் தகவல்கள் விரைவில் வெளியிடப்படவுள்ளன.