தங்க நகைகளை எந்த நாள் எந்த நட்சத்திரத்தில் அணியலாம் ?

தங்க நகை வாங்கவும், அதை அணியவும் குறிப்பிட்ட நாள் நட்சத்திரங்கள் உள்ளன. அந்த நாள் மற்றும் நட்சத்திரங்களில் நகை வாங்கி அணிபவர்களை ஆயுள் வரை அந்த நகைகள் கண்டிப்பாக விட்டுச் செல்வதில்லை என்பது ஐதீகம்.

அசுவதி, ரோகிணி மிருகசீரிடம் பூசம், அஸ்தம் சித்திரை, அனுஷம், ரேவதி, ஆகிய எட்டு நட்சத்திரங்களும் பொருத்தமானவை.

இந்த எட்டு நட்சத்திரங்களும் பஞ்சமி, சஷ்டி, தசமி, ஏகாதசி, பெளர்ணமி, ஆகிய திதிகளில் வரும் போது முதன் முதலில் அணியப்படும் நகைகள் பத்து தலைமுறைகளுக்குப் பாதுகாப்பாக இருக்கும். 

உரிய நட்சத்திரம், திதி விவரங்களை உங்கள் வீட்டிலுள்ள நாட்காட்டியிலேயே பார்த்து தெரிந்து கொள்ளலாம்.. வாங்கிய பொன் நகைகளை முதன் முதலில் அணிய சனிக்கிழமை மிக நல்லது. 

மேலும் அடகு வைத்த நகைகளை மீட்டு, மேற்கண்ட நட்சத்திரம், திதிகளில் அணிந்தால் மீண்டும் அந்த நகை அடகுக்கு நிச்சயம் செல்லாது. ஸ்வர்ண லட்சுமி என்றும் வீட்டில் குடியிருப்பாள் என்பது நம்பிக்கை.