பூமராங் விமர்சனம்

கதைக்கரு
ஆர். கண்ணன் இயக்கத்தில் அதர்வா, மேகா ஆகாஷ், ஆர். ஜே. பாலாஜி, சுஹாசினி மணிரத்னம் ஆகியோரது நடிப்பில் வெளியாகியுள்ள அரசியல் ஆக்‌ஷன் மசாலா படம் பூமராங்.

கதை
மென்பொருள் பொறியாளரான அதர்வா வேலையை ராஜினாமா செய்துவிட்டு சொந்த ஊருக்கு வருகிறார். அங்கு அரசியல்வாதிகள் செயல்படாமல் இருப்பதை தட்டிக் கேட்கிறார். தன் நண்பர்களுடனும் மக்களுடனும் சேர்ந்து போராட்டம் நடத்துகிறார். மேகா ஆகாஷை காதலிக்கிறார். வில்லனின் அடியாட்களிடம் இருந்து தப்பித்து அதர்வா தன் நோக்கத்தை நிறைவேற்றினாரா என்பது மீதிக் கதை.

கண்டேன் காதலை, ஜெயம் கொண்டான், சேட்டை, இவன் தந்திரன் உள்ளிட்ட வெரைட்டியான கதைகளம் கொண்ட படங்களை இயக்கி பல தரப்பட்ட ரசிகா்களைக் கவர்ந்தவா் இயக்குநர் கண்ணன். தற்போது புமராங் மூலம் அரசியல் நையாண்டி ஜான்ராவுக்கு வந்துள்ளார். இன்றைய டிரெண்டான மோடி அரசு திட்டங்கள் குறித்த கிண்டல் படத்தில் ஆங்காங்கே தூவப்பட்டுள்ளது.

சமகால மத்திய, மாநில அரசியலை விமர்சிக்கும் படங்கள் ஏகத்துக்கு வந்துவிட்டபோதிலும் அதே கதையை சுவாரஸ்யம் குறையாமல் இயக்கியுள்ள கண்ணனுக்கு பாராட்டுக்கள். ஹீரோயினுக்கு ஸ்கோப் இல்லாத படம். மேகா அவ்வப்போது தலைகாட்டுகிறார். மொத்தத்தில் வார விடுமுறையில் குடும்பத்துடன் ரசிக்க ஏற்ற படமாக விளங்குகிறது பூமராங்.