‘உயிருள்ளவரை உஷா’ திரைப்படம் பிப்ரவரி 13, தேதி அன்று  தமிழகமெங்கும் திரையரங்குகளில் மீண்டும் வெளியாகிறது!

‘உயிருள்ளவரை உஷா’ திரைப்படம் பிப்ரவரி 13, தேதி அன்று  தமிழகமெங்கும் திரையரங்குகளில் மீண்டும் வெளியாகிறது.!

சென்னை 08 பிப்ரவரி 2026 இயக்குனர் நடிகர் டி.ராஜேந்தர் இயக்​கத்​தில் நடிகை நளினி கதாநாயகி​யாக அறி​முகமான திரைப்படம், ‘உயிருள்ளவரை உஷா’.

நடிகர்கள் கங்​கா, ராதா ரவி, எஸ்​.எஸ்​.சந்​திரன், கவுண்​டமணி, சரிதா உள்பட பலர் நடித்திருந்தனர்.

இந்த ‘உயிருள்ளவரை உஷா’ திரைப்படம் 1983-ம் ஆண்டு வெளி​யான திரைப்படம் மாபெரும் வெற்றி பெற்றது.

திரைப்படத்​தில் இடம் பெற்ற இந்​திரலோகத்து சுந்​தரி, வைகைகரை காற்றே நில்​லு, இதயமதை கோவிலென்றேன் உள்பட அனைத்து பாடல்​களும் மிகப்பெரிய அளவில் வெற்​றி​பெற்​றன.

இந்​நிலை​யில், திரைப்படம் 43 வருடங்​களுக்​குப் பிறகு 4கே டிஜிட்​டல் தொழில்நுட்​பத்​தில் பிப்ரவரி 13-ம் தேதி மீண்​டும் வெளிவருகிறது.

இதற்​கான வெளியீடு  விழா சென்​னை​யில் நடை​பெற்​றது.

தயாரிப்​பாளர் கலைப்​புலி எஸ்​.​தாணு, இயக்​குநர் விக்ரமன், ஆர்​.கே.செல்​வ​மணி, ராதா​ர​வி, நளினி ஆகியோர் கலந்து கொண்​டனர.

விழா​வில் டி.​ராஜேந்​தர் பேசும்​போது,

இப்​படத்​தின் படப்​பிடிப்பை முடித்​து​விட்டு ஒரிஜினல் காப்​பியை பைனான்​சி​யர்​களுக்கு போட்டு காண்​பித்​தேன்.

ஜெமினி லேபில் திரைப்படத்தைப் பார்த்து விட்​டு, நளினி, கதா​நாயகி​யாக சரி​யாக வரமாட்​டார்; அவருக்கு ‘நீட்டு முகம்’ என்று அவரை மாற்​றச் சொன்​னார்​கள்.

ஆனால், அவரை கதாநாயகியாக வைத்து திரைப்படம் எடுத்​தேன்.

நான்கு ஆயிரம் அடி பிலிம் வாங்கி, நீட்டு முகம் என்ற சொன்னவர்​களிடம் அவரை ‘நீட்’ முக​மாக மாற்​றினேன்.

நடிகை நளினி​யின் தலை​முடியை விரித்​துப் போட வைத்​து, பேக் லைட்​டில் வைத்து திரைப்படமாக்கினேன்.

அந்த பேக் லைட் தான் என் கதாநாயகி​யின் ஹைலைட். பிறகு அவர்​களுக்கு மீண்​டும் திரைப்படம் போட்​டுக் காண்பித்தேன்.

திரைப்படத்​தைப் பார்த்து விட்​டு, நீட்டு முகம் என்று யார் சொன்னார்​களோ, அவர்​களே அனைவரும் கைதட்டினார்கள்.

இதை என் திறமைக்​காகவோ, என் தலைக் கணத்துக்காகவோ சொல்​ல​வில்​லை.

வாழ்க்​கை​யில் யார், எப்​போது, எப்​படி வரு​வார்​கள் என்​பது யாருக்​கும் தெரியாது, ஆண்​டவனுக்​குத்​தான் தெரி​யும் என்​பதற்​காகத்​தான் சொல்​கிறேன்” என கூறினார்.

டி.ராஜேந்தர் இயக்கத்தில் 1983-ல் வெளியாகி மாபெரும் வெற்றி பெற்ற “உயிருள்ளவரை உஷா” திரைப்படம், நவீன தொழில்நுட்பத்தில் 4K தரத்தில் புதுப்பிக்கப்பட்டு, பிப்ரவரி 13, 2026 அன்று தமிழ்நாடு முழுவதும் திரையரங்குகளில் மீண்டும் வெளியாகிறது.

நடிகை நளினி அறிமுகமான இப்படத்தை, காதலர் தினத்தை முன்னிட்டு (Lovers Day Special) மீண்டும் வெளியிட டி.ராஜேந்தர் திட்டமிட்டுள்ளார்.