Thursday, February 27
Shadow

திரைப்பட உலகில் முதன் முறையாக நடுவானில் பாடலை வெளியிடும் ’சூரரைப் போற்று’ படக்குழுவினர்

திரைப்பட உலகில் முதன் முறையாக நடுவானில் பாடலை வெளியிடும் ’சூரரைப் போற்று’ படக்குழுவினர்

இயக்குனர் சுதா கொங்காரா இயக்கத்தில் ஜிவி. பிரகாஷ் குமார் இசையில் நடிகர் சூர்யா நடித்துள்ள படம் ’சூரரைப்போற்று’.

சூர்யாவின் 2டி எண்டர்டெயின்மெண்ட் நிறுவனம் இந்த படத்தை தயாரித்துள்ளது.

கதாநாயகியாக அபர்ணா பாலமுரளி நடிக்க, இவர்களுடன் கருணாஸ், ஜாக்கி ஷெராப், மோகன்பாபு, பரேஷ் ராவல் உள்பட பலர் முக்கிய கதாபாத்திரங்ககளில் நடித்துள்ளனர்.

நெடுமாறன் ராஜாங்கம் என்ற கதாபாத்திரத்தில் சூர்யா பைலட் ஆபீஸராக நடித்துள்ளார்.

இந்த திரைப்படத்தின் போஸ்டர் ரசிகர்களிடையே பெரும் வரவேற்பை பெற்றுள்ளது.

கடந்த சில நாட்களுக்கு முன்னர் இப்படத்தின் டீசர் வெளியாகி நல்ல எதிர்பார்ப்பை ஏற்படுத்தியிருந்தது.

இந்நிலையில் இன்று மட்டும் அடுத்தடுத்து தொடர்ந்து மூன்று அப்டேட்டுகளை படக்குழுவினர் வெளியிட்டுள்ளனர்

‘வெய்யோன் சில்லி’ என்ற இரண்டாம் ரொமான்டிக் சிங்கிள் டிராக் வருகிற பிப்ரவரி 13ம் தேதி spicejet boeing 737 ரக விமானத்தின் மூலம் நடுவானில் வெளியிடவிருப்பதாக அறிவித்திருந்தனர்.

ஸ்பைஸ் ஜெட் நிறுவனம் இந்த படத்திற்கு ஏர்லைன் பிராண்டிங் செய்ய ஒப்பந்தம் போடப்பட்டுள்ளதாம்.

ஸ்பைஷ் ஜெட் நிறுவனத்தின் சேர்மன் மற்றும் மேனேஜிங் டைரக்டரான அஜய் சிங், சூரரைப் போற்று பட புதிய போஸ்டரை வருகிற 13ம் தேதி வெளியிடவுள்ளதாக அறிவித்துள்ளனர்.