தென்னிந்திய நடிகர் சங்க தேர்தலில் பாண்டவர் அணியை. எதிர்த்து பாக்யராஜ் அணி போட்டி

தென்னிந்தியா நடிகர் சங்க தேர்தல் வருகிற ஜூன் 23ம் தேதி நடைபெற இருக்கும் நிலையில், தலைவர் நாசரை எதிர்த்து கே.பாக்யராஜ் தலைவருக்கு போட்டியிட இருக்கிறார்.

தென்னிந்திய நடிகர்கள் சங்கத்திற்கான தேர்தல் வரும் 23-ந்தேதி சென்னை ராஜா அண்ணாமலைபுரம், டாக்டர் எம்ஜிஆர் ஜானகி மற்றும் அறிவியல் மகளிர் கல்லூரியில் நடைபெற உள்ளது.

தேர்தலில் பாண்டவர் அணியில் தலைவர் பதவிக்கு நாசரும் பொதுச் செயலாளர் பதவிக்கு விஷாலும் பொருளாளர் பதவிக்கு கார்த்தியும் துணை தலைவர்கள் பதவிக்கு கருணாஸ் மற்றும் பூச்சி முருகனும் போட்டியிடுகின்றனர். மேலும் செயற்குழு உறுப்பினர் பதவிக்கு போட்டியிடுபவர்கள் பட்டியல் சமீபத்தில் வெளியிடப்பட்டது.

இந்நிலையில், தலைவர் நாசரை எதிர்த்து இயக்குனர் கே.பாக்யராஜ் தலைவருக்கு எதிர்த்து  நிற்க இருப்பதாக அறிவித்திருக்கிறார்கள். பொதுச் செயலாளர் பதவிக்கு போட்டியிடும் விஷாலுக்கு எதிராக தயாரிப்பாளர் நடிகர் ஐசரி கணேஷ் போட்டியிட இருக்கிறார்.