இயக்குனர் மற்றும் தயாரிப்பாளர் அறிவழகன்  இயக்கத்தில் நடிகர் ஆதி நடிக்கும் “சப்தம்” திரைப்படத்தின் படப்பிடிப்பு நிறைவு பெற்றது!!

இயக்குனர் மற்றும் தயாரிப்பாளர் அறிவழகன்  இயக்கத்தில் நடிகர் ஆதி நடிக்கும் “சப்தம்” திரைப்படத்தின் படப்பிடிப்பு நிறைவு பெற்றது!!

சென்னை 27 செப்டம்பர் 2023 ஆல்பா ஃப்ரேம்ஸ் சார்பில் இயக்குனர் அறிவழகன் மற்றும் 7ஜி ஃபிலிம்ஸ் சிவா இணைந்து தயாரிக்க,  இயக்குனர் அறிவழகன் இயக்கத்தில், நடிகர் ஆதி நடிக்கும் திரைப்படம் “சப்தம்”.

திரில்லர்  திரைப்படங்களை தனக்கே உரிய பாணியில் தனித்த திரைக்கதையில் வெற்றி திரைப்படங்களாக மாற்றிய இயக்குனர் அறிவழகன், இந்த திரைப்படத்தின் மூலம் தயாரிப்பாளராக தனது புதிய பயணத்தை துவங்கியுள்ளார்.

ஈரம் திரைப்படம் மூலம் அறிமுகமான இயக்குனர் அறிவழகன் தனது முதல் பட ஹீரோவான ஆதியுடன் இணைந்திருப்பது ரசிகர்களிடையே அதிக எதிர்பார்ப்பை ஏற்படுத்தியுள்ளது.

மேலும் இப்படத்தில் சிம்ரன், லைலா, லட்சுமி மேனன், ரெடின் கிங்ஸ்லி உள்ளிட்ட பலர் நடித்துள்ளார்கள்.

ஈரம் படத்திற்கு இசையமைத்த இசையமைப்பாளர் தமன் இப்படத்திற்கு இசையமைக்கிறார்.

ஹாரர் திரில்லர் கதையம்சம் கொண்ட இப்படத்தின் படப்பிடிப்பு விறுவிறுப்பாக நடைபெற்று வந்தது.

தற்போது இப்ப்படத்தின் படப்பிடிப்பு முடிந்து விட்டதாக படக்குழுவினர் அறிவித்துள்ளனர்.

விரைவில் சப்தம் திரைப்படத்தின் போஸ்டர், டீஸர் மற்றும் டிரெய்லர் பற்றிய அறிவிப்புகளை படக்குழுவினர் விரைவில் வெளியிட இருக்கிறார்கள்.