காமெடி கிங் நடிகர் சந்தானம்  நடிக்கும்  ‘இங்க நான் தான் கிங்கு’ படத்தின் முதல் பார்வையை உலகநாயகன் வெளியிட்டார் !!

காமெடி கிங் நடிகர் சந்தானம்  நடிக்கும்  ‘இங்க நான் தான் கிங்கு’ படத்தின் முதல் பார்வையை உலகநாயகன்  வெளியிட்டார் !!

சென்னை 28 பிப்ரவரி 2024 G.N. அன்புசெழியனின் கோபுரம் பிலிம்ஸ் நிறுவனம், ‘வெள்ளைக்கார துரை’, ‘தங்கமகன்’ ‘மருது’, ‘ஆண்டவன் கட்டளை’, உள்ளிட்ட வெற்றி திரைப்படங்களை தொடர்ந்து நடிகர் சந்தானம் கதாநாயகனாக நடிக்கும் புதிய திரைப்படத்தை மிகப் பிரம்மாண்டமான அதிக பொருட்செலவில் தயாரிக்கிறது.

‘இங்க நான் தான் கிங்கு’ என்ற இப்படத்தின் தலைப்பையும் முதல் பார்வை போஸ்டரையும் உலகநாயகன் கமல்ஹாசன் இன்று வெளியிட்டார்.

அனைத்து இளைஞர்களும் ரசித்து கொண்டாடும் விதமாக நடிகர் சந்தானத்தின் கதாபாத்திரம் உருவாகியுள்ளது.

மேலும், சந்தானத்தின் ரசிகர்கள் கொண்டாடும் வகையில் திரைப்படம் மிகச் சிறப்பாக அமைந்துள்ளது.

நடிகர் சந்தானத்தின் ஜோடியாக பிரியாலயா கதாநாயகியாக அறிமுகமாகிறார்.

முக்கிய கதாபாத்திரத்தில் தம்பி ராமையாவும், சுவாரஸ்யமான கதாபாத்திரத்தில் மனோபாலாவும் நடித்துள்ளனர்.

இவர்களுடன், முனீஷ்காந்த், விவேக் பிரசன்னா, பால சரவணன், மாறன், கூல் சுரேஷ் உள்ளிட்ட பலர் நடிக்கின்றனர்.

பல வெற்றி திரைப்படங்களுக்கு கதை, வசனம் எழுதிய எழிச்சூர் அரவிந்தன் இப்படத்தின் கதை, திரைக்கதை, வசனம் எழுதியுள்ளார்.

D. இமானின் இசையில் மூன்று பாடல்கள் மிக சிறப்பாக வந்துள்ளன.

பாடல் வரிகளை இயக்குநர் விக்னேஷ் சிவன் மற்றும் முத்தமிழ் எழுதியுள்ளனர்.

ஒளிப்பதிவு – ஓம் நாராயண்

எடிட்டிங் – எம். தியாகராஜன்

கலை – எம். சக்தி வெங்கட்ராஜ்

ஸ்டண்ட் – மிராக்கிள் மைக்கேல்.

பிரமாண்டமான பாடல் காட்சிகளுக்கு நடனம் அமைத்து இயக்கியுள்ளனர் கல்யாண் – பாபா பாஸ்கர்.

சென்னை மற்றும் சுற்றுப்புறங்களில் படப்பிடிப்பு நடத்தப்பட்டது.

முழுவீச்சில் இறுதி கட்டப் பணிகள் நடைபெற்று வரும் நிலையில், இப்படத்தின் டைட்டில் மற்றும் முதல் பார்வையை உலகநாயகன் கமல் ஹாசன் வெளியிட்டுள்ளார்.

கதையம்சத்தோடு நகைச்சுவை கலந்த கமர்ஷியல் பிரம்மாண்ட படைப்பாக உருவாகும் ‘இங்க நான் தான் கிங்கு’ திரைப்படத்தை ஆனந்த் நாராயண் இயக்குகிறார்.

கோபுரம் பிலிம்ஸ் G.N. அன்புசெழியன் வழங்க, சுஷ்மிதா அன்புசெழியன் தயாரிக்கிறார்.

2024 கோடை விடுமுறை காலத்தில் திரைப்படம் திரையரங்குகளில் வெளியாகிறது.