நடிகர் சூர்யா நடிக்கும் சூரரைப் போற்று’.திரைப்படத்தை ஹிந்தியில் ரீ-மேக் செய்யவுள்ளதாக தயாரிப்பாளர் குனீத் மோங்கா

நடிகர் சூர்யாவின் வித்தியாசமான நடிப்பில் சுதா கொங்கரா இயக்கத்தில் உருவாகியுள்ள திரைப்படம் ‘சூரரைப் போற்று’.

ஏர்டெக்கான் நிறுவனர் கோபி நாத்தின் வாழ்க்கையை தழுவி இந்த திரைப்படத்தை உருவாக்கியுள்ளனர்.

நடிகர் சூர்யாவுடன் நடிகை அபர்ணா முரளி, ஊர்வசி, மோகன் பாபு, ஜாக்கி ஷெராப், கருணாஸ் உள்ளிட்டோர் நடித்துள்ளனர்.

ஜி.வி.பிரகாஷ் இசையமைத்துள்ள இந்த திரைப்படத்தை ஏப்ரல் 9-ந்தேதி தமிழ் மற்றும் தெலுங்கில் வெளியிட உள்ளனர்.

தெலுங்கில் ஆகாசம் நீ ஹதுரா என்ற பெயரில் வெளியிடுகின்றனர்.

இதே வேளையில் இந்த படத்தை ஹிந்தியில் ரீ-மேக் செய்யவுள்ளதாக கூறப்படுகிறது.

தயாரிப்பாளர் குனீத் மோங்கா இதற்கான வேலையை துவங்கியுள்ளதாக சொல்லப்படுகிறது.