Saturday, January 29
Shadow

தயாரிப்பாளர் இயக்குநர் சுரேஷ் காமாட்சியின் இயக்கத்தில் ’முற்றாத இரவொன்றில்’ நாவல் திரைப்படமாகிறது.

சென்னை 28 ஜனவரி 2021

வி ஹவுஸ் புரொடக்சன்ஸ் சார்பாக ‘அமைதிப்படை-2′, ‘கங்காரு’, ‘மிக மிக அவசரம்’ ஆகிய படங்களைத் தயாரித்தவர் தயாரிப்பாளர் சுரேஷ் காமாட்சி..

இதில் ‘மிக மிக அவசரம்’ திரைப்படத்தை தயாரித்ததுடன் இந்தப் திரைப்படத்தின் மூலம் இயக்குநராகவும் அறிமுகமாகி வெற்றி பெற்றவர் என குறிப்பிடத்தக்கது

இந்தநிலையில் தற்போது இயக்குநர் வெங்கட் பிரபு இயக்கத்தில் சிலம்பரசன் TR நடிக்கும் ‘மாநாடு’ என்கிற படத்தைத் தயாரித்து வருகிறார் சுரேஷ் காமாட்சி.

அரசியல் கதைக்கள பின்னணியில் மிக பிரமாண்டமாக உருவாகி வரும் இந்த திரைப்படம் தற்போது இறுதிக்கட்டத்தை எட்டியுள்ளது..

இதைத் தொடர்ந்து தனது தயாரிப்பில் உருவாக இருக்கும் திரைப்படத்தை தானே இயக்கவுள்ளார் சுரேஷ் காமாட்சி.

ஒரு இளம் பெண் காவலர் தனது பணியில் அன்றாடம் சந்திக்கும் அவலங்களை நெற்றிப்பொட்டில் அறைந்தது போல ‘மிக மிக அவசரம்’ படத்தை இயக்கிய, சுரேஷ் காமாட்சி.

தனது அடுத்த திரைப்படத்திலும் அதேபோன்ற யதார்த்த வாழ்வியல் ஒன்றையே படமாக்க இருக்கிறார்.

கிராமத்துப் பின்னணியில் வெள்ளந்தி மனிதர்களின் வாழ்வியலை மையமாக வைத்து, உணர்வுப்பூர்வமான கதைகளை எழுதிவருபவர் பிரபல எழுத்தாளர் ம.காமுத்துரை.

இவர் எழுதிய ‘முற்றாத இரவொன்றில்’ என்கிற நாவலை தழுவி இப்படம் உருவாக இருக்கிறது.

இந் நாவலைப் படமாக்கும் உரிமையை
ம.காமுத்துரையிடம் இருந்து கதையை முறைப்படி பெற்றுள்ளார் சுரேஷ் காமட்சி..

நடிகர் நடிகைகள் மற்றும் தொழில் நுட்பக் கலைஞர்கள் விபரம் விரைவில் தெரிவிக்கப்படும்.

CLOSE
CLOSE