பிரபல தயாரிப்பாளர் லைகா புரொடக்‌ஷன்ஸ் சுபாஸ்கரனுக்கு கவுரவ டாக்டர் பட்டம் !*

சூப்பர் ஸ்டார் ரஜினிகாந்த், உலக நாயகன் கமல்ஹாசன், தளபதி விஜய் படங்களின் தயாரிப்பாளரான லைகா புரொடக்‌ஷன்ஸ் சுபாஸ்கரனுக்கு கவுரவ டாக்டர் பட்டம் அளிக்கப்பட்டது.

நடிகர் தளபதி விஜய் நடிப்பில் வெளியான ‘கத்தி’ திரைப்படத்தின் மூலம் தமிழ் திரைப்படம் உலகிற்கு தயாரிப்பாளராக அறிமுகமானவர் சுபாஸ்கரன் அல்லிராஜா.

லைகா புரொடக்‌ஷன்ஸ் மூலம் பல்வேறு படங்களை இவர் தயாரித்துள்ளார். சூப்பர் ஸ்டார் ரஜினிகாந்த் நடிப்பில் வெளியான ‘2.0’ படத்தைத் தயாரித்துள்ள இந்நிறுவனம், தற்போது அவர் நடிக்கும் ‘தர்பார்’ படத்தையும் தயாரித்து வருகிறது.

மேலும், உலக நாயகன் கமல்ஹாசன் நடிப்பில் இயக்குனர் ஷங்கர் இயக்கி வரும் ‘இந்தியன் 2’ திரைப்படத்தையும் தயாரித்து வருகிறது.

இந்நிலையில், மலேசியாவில் உள்ள ஏம்ய்ஸ்ட் பல்கலைக்கழகம், சுபாஸ்கரனுக்கு கவுரவ டாக்டர் பட்டம் வழங்கி சிறப்பித்துள்ளது.

இலங்கையின் வடகிழக்குப் பகுதியில் உள்ள தமிழர்கள் குடியிருக்க நூற்றுக்கணக்கான வீடுகளையும், ஆப்பிரிக்க நாடுகளில் உள்ள சிறுவர்களுக்கு உதவி, விளையாட்டு வீரர்களுக்கு உபகரணங்கள், குடிநீர்த் தட்டுப்பாடு உள்ள நாடுகளில் அதற்கான வசதிகளைச் செய்து கொடுப்பது என்று பல உதவிகளைச் செய்து வருகிறார் திரைப்பட தயாரிப்பாளர் சுபாஸ்கரன். அவருடைய சமூக சேவைகளைப் பாராட்டி இந்த கவுரவ டாக்டர் பட்டம் வழங்கப்பட்டது.

லைகா குழுமம், இங்கிலாந்தைத் தலைமையிடமாகக் கொண்டு செயல்பட்டு வருகிறது. இதன் ஒருபிரிவான லைகா மொபைல் நிறுவனம், ஐரோப்பாவில் இயங்கும் பல தொலைபேசி நிறுவனங்களில் முதலிடத்தை எட்டியுள்ளது குறிப்பிடத்தக்கது.

Related posts:

இளைய சூப்பர் ஸ்டார் பட்டம்; ரஜினி ரசிகர்கள் கோபம்; தனுஷ் மறுப்பு இசைஞானிக்கு கவுரவ டாக்டர் பட்டம் நடிகை த்ரிஷாவிற்காக கதை எழுதும் பிரபல இயக்குநர். பிரபல நகைச்சுவை நடிகருக்கு டாக்டர் பட்டம் பிரபல இசையமைப்பாளருக்கு டாக்டர் பட்டம் – ஆஸ்கர் நாயகன் ஏ.ஆர்.ரகுமான் வாழ்த்து நியூயார்க்’கில் இயக்குனர் விக்னேஷ் சிவன், நடிகை நயன்தாராவுடன் பிரபல தயாரிப்பாளர்* இயக்குனர் பா.ரஞ்சித்தின் நீலம் புரொடக்‌ஷன்ஸ் – கோல்டன் ரேஷியோ பிலிம்ஸ் மற்றும் லிட்டில் ரெட் கார் பிலிம்ஸ்  இணைந்து தயாரிக்கும்  உலகத்தரம் வாய்ந்த திரைப்படங்கள் ! நடிகர் உலக நாயகன் கமல்ஹாசனுக்கு கெளரவ டாக்டர் பட்டம்* கோமாளி படஇயக்குநர் பிரதீப்புக்கு ஹோண்டா சிட்டி கார் பரிசளித்த தயாரிப்பாளர் டாக்டர். ஐசரி கே.கணேஷ் பிரபல இயக்குனர் ஏ எல் விஜய்க்கும டாக்டர் ஐஸ்வர்யாவுக்கும் திருமணம் நடந்தது.