இந்திய பாதுகாப்புத் துறை அமைச்சர் திரு. ராஜ்நாத் சிங் அவர்களை அமரன் திரைப்படக் குழுவினர் நேரில் சந்தித்து வாழ்த்து பெற்றனர் !!

இந்திய பாதுகாப்புத் துறை அமைச்சர் திரு. ராஜ்நாத் சிங் அவர்களை அமரன் திரைப்படக் குழுவினர் நேரில் சந்தித்து வாழ்த்து பெற்றனர் !!

சென்னை 29 நவம்பர் 2024 இந்த வருடம் 2024 அக்டோபர் 31 ஆம் தேதி தீபாவளியை முன்னிட்டு வெளிவந்த ‘அமரன்’ திரைப்படம்  திரையரங்குகளில் வெற்றிகரமாக  ஓடிக்கொண்டிருக்கிறது.

இந்த திரைப்படத்தை ஓடிடியில் இப்போது வெளியிட வேண்டாம் என தற்போது வரை திரையரங்குகளில் மக்கள் அனைவரும் குடும்பத்துடன் கூட்டம் கூட்டமாக வந்து அமரன் திரைப்படத்தை கண்டுக் களிக்கிறார்கள் என தமிழ்நாடு திரையரங்கு உரிமையாளர் சங்கம் கேட்டுக் கொண்டதற்காக அமரன் திரைப்படம் இன்னும் ஓடிடியில் வெளிவராமல்  இன்றும் திரையரங்குகளில் வெற்றிகரமாக திரையிடப்பட்டு வருகிறது.

தற்போது வரை உலக அளவில் இந்த அமரன் திரைப்படம் ரூபாய் 300 கோடியை மேல் வசூலித்து வருகிறது.

இது நடிகர் சிவகார்த்திகேயன் தமிழ் திரைப்பட வாழ்க்கையில் அமரன் மிகச்சிறந்த திரைப்படமாக பெயர் பெற்றுள்ளது.

இந்த நிலையில் அமரன் திரைப்படக்குழுவிற்கு மத்திய அரசு சார்பில் பெரிய கவுரவம் கிடைத்துள்ளது..

இந்திய பாதுகாப்புத்துறை அமைச்சர் திரு. ராஜ்நாத் சிங் அவர்களை அமரன் திரைப்படக் குழுவினர்  நடிகர் சிவகார்த்திகேயன், தயாரிப்பாளர் R. மகேந்திரன், இயக்குநர் ராஜ்குமார் பெரியசாமி ஆகியோர் புது தில்லியில் உள்ள அவரது இல்லத்தில் இன்று மரியாதை நிமித்தமாக நேரில் சந்தித்து திரைப்படம் வெற்றி அடைந்ததற்கான வாழ்த்துக்களை பெற்றனர்.இவர்களுடன் விஸ்வநாத் ராமசுவாமி, நிறுவனர் மற்றும் இயக்குனர், Divo Movies மற்றும் முன்னாள் இந்திய ராணுவத்தைச் சேர்ந்த col. சரவண வினோத் ஆகியோர் உடனிருந்தனர்.

திரு. ராஜ்நாத் சிங் அவர்கள் மேஜர் முகுந்த் வரதராஜன் அவர்களின் தேசப்பற்று மற்றும் இந்திய ராணுவம் குறித்து மிகச் சிறப்பாக இந்தப் படத்தை உருவாக்கியதற்கு தனது மனமார்ந்த பாராட்டுகளைத் தெரிவித்துக்கொண்டார்.

திரு. கமல்ஹாசன் தற்போது வெளிநாட்டில் உள்ள நிலையில் இந்தப் படத்தை உருவாக்குவதற்கு இந்திய ராணுவ அமைச்சகம் மற்றும் இந்திய ராணுவம் தனது முழுமையான ஒத்துழைப்பை வழங்கியதற்கு இந்திய பாதுகாப்புத் துறை அமைச்சர் திரு. ராஜ்நாத் சிங் அவர்களுக்கு நன்றி தெரிவித்துள்ளதோடு, அதன் காரணமாக மிகுந்த உண்மைத் தன்மையையுடன் இந்திய ராணுவத்தின் கதாநாயகர்களை வெளிப்படுத்த உதவியதாகவும் கூறியுள்ளார்.