மஞ்சும்மல் பாய்ஸ்’ திரைப்பட தயாரிப்பாளருக்கு நோட்டீஸ் அனுப்பிய இசைஞானி இளையராஜா !

‘மஞ்சும்மல் பாய்ஸ்’ திரைப்பட தயாரிப்பாளருக்கு நோட்டீஸ் அனுப்பிய இசைஞானி இளையராஜா !

சென்னை 23 மே 2024 மஞ்சும்மல் பாய்ஸ் திரைப்படத்தில் குணா திரைப்படத்தின் பாடலை பயன்படுத்தியதாக இசைஞானி இளையராஜா படக் குழுவினருக்கு நோட்டீஸ் அனுப்பி இருக்கிறார்.

மலையாள திரைப்பட உலகில் மஞ்சும்மல் பாய்ஸ் திரைப்படம் இதுவரை உலகளவில் 235 கோடி ரூபாய் வசூல் செய்து மிகப் பெரிய அளவில் வெற்றி பெற்றது.

மலையாளத்தில் உருவான மஞ்சும்மல் பாய்ஸ் திரைப்படம் கடந்த பிப்ரவரி 22 ஆம் தேதி வெளியானது.

இந்த மஞ்சும்மல் பாய்ஸ் திரைப்படத்தை இயக்குனர் சிதம்பரம் இயக்கிய திரைப்படத்தில், ஸ்ரீநாத் பாசி, சௌபின் சாஹிர் ஆகியோர் நடித்துள்ளார்கள்.

கேரளாவில் வெற்றியை தொடர்ந்து இந்த திரைப்படம் தமிழக மட்டுமல்லாமல் உலகம் முழுவதும் வெளியிடப்பட்டது.

இந்த மஞ்சும்மல் பாய்ஸ் திரைப்படத்தை பார்த்த பலரும் மஞ்சும்மல் பாய்ஸ் திரைப்படத்திற்கு பாராட்டு தெரிவித்த வண்ணம் உள்ளனர்.

தமிழ் திரையுலகில் முன்னணி நடிகர்கள், இயக்குநர்கள் என பிரபலங்கள் பலரும் படக்குழுவினரை பாராட்டினர்.

உலக நாயகன் கமல்ஹாசன் படக்குழுவினரை நேரில் அழைத்து பாராட்டி அவர் குணா திரைப்படத்தில் நடக்கும் போது ஏற்பட்ட அனுபவங்களை பகிர்ந்துக் கொண்டார்.

மஞ்சும்மல் பாய்ஸ் திரைப்படம் இதுவரை உலகளவில் 235 கோடி ரூபாய் வசூலித்துள்ளது என்பது குறிப்பிடத்தக்கது.

மலையாள திரையுலகில் மிக்பெரிய வசூலை குவித்த திரைப்படங்களின் பட்டியலில் இத்திரைப்படம் முதல் இடத்தில் இருக்கிறது.

மஞ்சும்மல் பாய்ஸ் திரைப்படத்தில், தமிழில் கமல்ஹாசன் நடித்து வெளியான குணா திரைப்படத்தில் இடம்பெற்றிருக்கும் பாடலை பயன்படுத்தியுள்ளனர்.

இதற்கு கண்டனம் தெரிவித்து மஞ்சும்மல் பாய்ஸ் திரைப்படக் குழுவினருக்கு இசையமைப்பாளர் இசைஞானி இளையராஜா நோட்டீஸ் அனுப்பியுள்ளார் !

நான் இசையமைத்த குணா திரைப்படத்திலிருந்து எனது பாடலை அனுமதியின்றி   பாடலை பயன்படுத்தியதாக இசைஞானி  இளையராஜா தரப்பில் இருந்து நோட்டீஸ் அனுப்பப்பட்டுள்ளது.