விடுதலை புலிகள் இயக்க தலைவர் பிரபாகரனின் வாழ்க்கை வரலாற்றை படமாக ‘மேதகு’ ஓடிடியில் வெளியாகி உள்ளது.

சென்னை 26 ஜூன் 2021

விடுதலை புலிகள் இயக்க தலைவர் பிரபாகரனின் வாழ்க்கை வரலாற்றை படமாக ‘மேதகு’ ஓடிடியில் வெளியாகி உள்ளது.

விடுதலைப்புலிகள் தலைவர் பிரபாகரன் அவர்களின் வாழ்க்கை வரலாற்றை அடிப்படையாக கொண்டு ’மேதகு’ என்ற திரைப்படம் தயாராகியுள்ளது.

இந்த திரைப்படத்திற்கு மிகப்பெரிய எதிர்பார்ப்பு இருந்த நிலையில் இந்த திரைப்படம் திரையரங்குகளில் வெளியாகும் என்று கூறப்பட்டது.

ஆனால் தற்போது திரையரங்குகள் எப்போது திறக்கும் என்பது தெரியாததால் ஜூன் 25 முதல் ஓடிடியில் வெளியாகி உள்ளது

இந்த திரைப்படம் வெற்றி பெற திரையுலக பிரபலங்கள் பலர் தங்களது வாழ்த்துக்களை தெரிவித்து வருகின்றனர்.

குறிப்பாக வெற்றிமாறன், ஜிவி பிரகாஷ் ஆகியோர் தங்களது சமூக வலைதளங்களில் ’மேதகு’ திரைப்படம் வெற்றி அடைய வாழ்த்துக்களை தெரிவித்துள்ளார்

தமிழீழ விடுதலை போராட்ட வரலாற்றில் என்றும் நீங்கா இடம் பெற்ற போராளியும், தமிழீழ விடுதலை புலிகள் அமைப்பை தோற்றுவித்த தலைவருமான திரு. வே. பிரபாகரன் அவர்களின் ஆரம்ப கால வரலாற்றை மையமாக வைத்து “மேதகு” என்ற தமிழ் திரைப்படத்தை தமிழீழ திரைக்களம் நிறுவனம் தயாரித்துள்ளது.

இந்த திரைப்படம் உலகத்தமிழர்கள் நன்கொடை திரட்டல் வாயிலாக உருவாக்கப்பட்டுள்ளது.

இலங்கையில் தமிழர்களின் உரிமைகள் எப்படியெல்லாம் பறிக்கப்பட்டு அவர்களுக்கு அநீதி இழைக்கப்பட்டது என்பதையும், அதனை தனது சிறு வயது முதல் பார்த்து கோபமடைந்த ஒரு சாதாரண இளைஞன் எப்படி தனது இனத்தின் விடுதலைக்காக ஆயுதம் ஏந்தும் முடிவுக்கு வருகின்றார் என்பதை பற்றியும் மிகவும் யதார்த்தமாகவும் நேர்த்தியாகவும் படம்பிடித்துக்காட்டியுள்ளார் இயக்குனர்.

இந்த திரைப்படத்தை கதை வசனம் எழுதி இயக்கியுள்ளார் இயக்குனர் தி.கிட்டு. மேலும் ஒளிப்பதிவாளர் ரியாஸ், இசையமைப்பாளார் பிரவீன் குமார், கலை இயக்குனர் முஜிபூர் ரகுமான், படத்தொகுப்பு இளங்கோவன் மற்றும் திரை வண்ணம் விநாயகம் ஆகியோர் இணைந்து இத்திரைப்படத்தை மெருகூட்டியுள்ளனர்.

இந்த திரைப்படத்தினை தஞ்சை குமார் மற்றும் சுமேசு இருவரும் தயாரிப்பு நிர்வாகத்தை மேற்பார்வையிட்டு இப்படைப்பினை உருவாக்கியுள்ளனர்.

தயாரிப்பு நிர்வாகத்தில் ஈஸ்வர் பாட்சா மற்றும் சதீசு இருவரும் துணைபுரிந்துள்ளனர்.

இந்த திரைப்படம் BS value என்கின்ற இணையவெளி திரையில் (OTT) ஜூன்-25 ஆம் தேதி வெளிவரவிருக்கிறது.

இந்த மேதகு திரைப்படத்தின் சிறப்பு காட்சியினை பார்வையிட்ட நடிகர் சத்யராஜ், நடிகர் ராஜேஷ், இயக்குனர் பொன்வண்ணன், இயக்குனர் சேரன், இயக்குனர் அமீர், இயக்குனர் மாரி செல்வராஜ், இயக்குனர் கவுதமன், மற்றும் இயக்குனர் நவீன் ஆகியோர் இந்த திரைப்படத்தின் வெளியீட்டு அறிவிப்பினை தங்கள் சமூக வலைத்தளங்களில் பகிர்ந்து பாராட்டி வாழ்த்துரை வழங்கியுள்ளனர் என்பது குறிப்பிடத்தக்கது.

இந்த மேதகு திரைப்படம் வெளியாகும் BS value OTT தளம் ஏற்கனவே பிரபலமான Black sheep என்கின்ற நிறுவனத்தின் Pay Per View என்கின்ற வசதியின் கீழ் முதன்முறையாக வெளிவரவிருக்கின்றது.

தமிழர்களின் வரலாற்றை கலைவடிவில் கண்முன்னே படம் பிடித்துக்காட்டப்போகும் ‘மேதகு’ போன்ற பல்வேறு படைப்புகள் தொடர்ந்து வெளிவருவது பாராட்டுக்குரியது.

https://twitter.com/moviewingz/status/1408346858347544577?s=19

முப்படை கட்டி ஆண்ட ஒப்பற்ற தமிழரினத்தின் பெருமை மாவீரர் தலைவர் #மேதகு பிரபாகரன் அவர்களின் வரலாற்றை ஒட்டி பதிவு செய்யப்பட்டுள்ள
மேதகு மாபெரும் வெற்றியடைய வாழ்த்துகள் ..here’s the link https://t.co/0LoTwTnKJP #methagu_in_bsvalue @kittutamilan best wishes to debut MD @apkmusical

— G.V.Prakash Kumar (@gvprakash) June 25, 2021

ஈழத்தின் போராட்டத்தையும் அர்ப்பணிப்பையும் உலகுக்கு உரக்கச் சொல்லும் படமாக #மேதகு படம் உருவாகி இருக்கிறது. ஈழத்தின் மீதான உலகளாவிய நற்பார்வை பெருக இந்தப் படம் மகத்தான வெற்றி பெற வேண்டும். வெல்வோம்…#Methagu_in_BSvalue pic.twitter.com/rKwIv1yYiG

— M.Sasikumar (@SasikumarDir) June 25, 2021

https://twitter.com/Iamseaking/status/1408319089387388930?s=19