திருப்பூரில் புகழ் பெற்ற எம்.ஜி.பி கிரான்ட் திரையரங்கிலும் 24 மணி நேரம் ஓடிய கே.ஜி.எப் 2 திரைப்படம்!

சென்னை 19 ஏப்ரல் 2022 திருப்பூரில் புகழ் பெற்ற எம்.ஜி.பி கிரான்ட் திரையரங்கிலும் 24 மணி நேரம் ஓடிய கே.ஜி.எப் 2 திரைப்படம்!

தமிழ் புத்தாண்டு, புனித வெள்ளி திருநாளை முன்னிட்டு தொடர்ந்து நான்கு நாட்கள் விடுமுறை வந்தது.

இந்த நேரத்தில் நடிகர் விஜய் நடித்த பீஸ்ட் திரைப்படம் ஏப்ரல் 13 ஆம் தேதி வெளியானது.

அதனை தொடர்ந்து கே.ஜி.எப் 2 திரைப்படம் ஏப்ரல் 14 ஆம் தேதி வெளியானது.

கே.ஜி.எப் 2 திரைப்படம் திருப்பூரில் புகழ் பெற்ற எம்.ஜி.பி கிரான்ட் திரையரங்கிலும் வெளியானது.

கே.ஜி.எப் 2 திரைப்படத்திற்கு ரசிகர்கள் கூட்டம் அலைமோதியது.

இந்த நிலையில் எம்.ஜி.பி கிரான்ட் தியேட்டரில் 24 மணி நேரம் தொடர்ந்து ஓடி இந்த திரைப்படம் சாதனை படைத்துள்ளது.

இதை பற்றி எம்.ஜி.பி கிரான்ட் தியேட்டர் உரிமையாளர் மகிழ்ச்சியுடன் கூறுகையில்…

புரட்சி தலைவர் எம்.ஜி.ஆர் திரைப்படத்திற்கு பிறகு கே.ஜி.எப் திரைப்படம் இந்த திரையரங்கில் 24 மணி நேரம் தொடர்ந்து காட்சியளிக்கப்பட்டது.

காலை 4மணி, 7மணி, 10.30மணி, மதியம் 1.45 மணி, மாலை 5 மணி , இரவு 8.15மணி, இரவு 11.30மணி என இடைவிடாது காட்சியளிக்கப்பட்டது.

ரசிகர்கள் கூட்டம் தற்போது வரை குறையவில்லை.

கொரோனா வைரஸ் நோய் தொற்று காரணமாக ஊரடங்கு நேரத்தில் மிகுந்த நஷ்டம் அடைந்தோம்.

தற்போது இந்த கே.ஜி.எப் 2 திரைப்படத்தின்  மாபெரும் வெற்றியை பார்த்து மிக்க மகிழ்ச்சி அடைகிறேன் என்று கூறினார்.