80ஸ் பில்டப் திரைவிமர்சனம் ரேட்டிங் :- 3.25/5.

நடிகர் & நடிகைகள்:- சந்தானம், ராதிகா ப்ரீத்தி, கே.எஸ். ரவிக்குமார், ஆனந்த் ராஜ், மன்சூர் அலி கான், ஆர்.சுந்தர் ராஜன், ஆடுகளம் நரேன், முனிஷ்காந்த், ரெடின் கிங்ஸ்லி, மொட்டை ராஜேந்திரன், தங்கதுரை, சுவாமிநாதன், மனோபாலா, மயில்சாமி, சங்கீதா, கலைராணி, சுபாஷினி கண்ணன், அஷ்வின், மிப்புசாமி, அர்ஜெய், “கூல்” சுரேஷ்,
வினோத் சாகர், “சூப்பர் குட்” சுப்ரமணி, சேசு, மற்றும் பலர்.

எழுத்து & இயக்கம் :- எஸ் கல்யாண்.

ஒளிப்பதிவாளர் :- ஜேக்கப் ரத்தினராஜ்.

படத்தொகுப்பாளர் :- எம்.எஸ்.பாரதி.

இசையமைப்பாளர் :- ஜிப்ரான்.

தயாரிப்பு நிறுவனம் :- ஸ்டுடியோ கிரீன்

தயாரிப்பாளர்கள் :- கே.இ. ஞானவேல்ராஜா – நேஹா ஞானவேல்ராஜா.

ரேட்டிங் :- 3.25/5.

ஜமீன் குடும்பத்தைச் சேர்ந்த ஆர் சுந்தராஜன் மற்றும் சங்கீதா கலைராணி ஆடுகளம் நரேனின் மகன் கதாநாயகன் சந்தானம் தீவிர உலகநாயகன் கமல்ஹாசன் ரசிகராக இருந்து வருகிறார்.

கதாநாயகன் சந்தானத்தின் தாத்தா ஆர்.சுந்தர்ராஜன் தீவிரமான சூப்பர் ஸ்டார் ரஜினிகாந்தின் ரசிகராக இருக்கிறார்.

ஜமீன் குடும்பம் இருக்கும் பங்களாவில் புதையலை பற்றிய வரைபடம் ஒன்றை ஏதோ பழங்காலத்து கத்தியில் இருப்பதை அறிந்துக்கொள்ளும் மன்சூர் அலிகான், அதை எப்படியாவது அந்த புதையல் உள்ள வரைபடம் உள்ள கத்தியை கைப்பற்ற வேண்டும் என முயற்சிக்க, அவரிடம் இருக்கும் வைரக்கற்களை விழுங்கி விடும் ஆர்.சுந்தர்ராஜன், திடீரென்று மின்சாரம் தாக்கியதில் இறந்துவிடுகிறார்.

எப்படியாவது வைரத்தையும் அந்த புதையல் பற்றிய வரைபடம் இருக்கும் கத்தியையும் மீற்பதற்காக மன்சூர் அலிகான் மற்றும் மனோபாலா மொட்ட ராஜேந்திரன் ஆனந்தராஜ் அனைவரும் ஜமீன் பங்களாக்குள் நுழைகிறார்கள்.

இதற்கிடையே, தனது தாத்தாவின் இறப்பிற்கு வரும் தனது தூரத்து உறவுக்கார பெண்ணான கதாநாயகி ராதிகா ப்ரீத்தியை கதாநாயகன் சந்தானம், கண்டதும் காதலில் விழுந்து விடுகிறார்.

தன் தாத்தாவின் இறப்பை எடுப்பதற்குள் தனது உறவுக்கார பெண்ணான கதாநாயகி ராதிகா ப்ரீத்தியை தன்னிடம் காதலை சொல்ல வைக்கிறேன், என்று தனது தங்கையிடம் சவால் விடுகிறார் கதாநாயகன் சந்தானம்.

கதாநாயகன் சந்தானம் தனது தங்கையிடம் போட்ட சவாலில் வெற்றி பெற்றாரா? வெற்றி பெறவில்லையா?, அவருடைய தாத்தா வயிற்றில் இருக்கும் வைரத்தை மன்சூர் அலிகானின் குழுவினர் எடுத்தார்களா? வைரத்தை எடுக்கவில்லையா? என்பதுதான் இந்த 80ஸ் பில்டப் திரைப்படத்தின் மீதிக்கதை.

இந்த 80ஸ் பில்டப் திரைப்படத்தில் கதாநாயகனாக சந்தானம் நடித்துள்ளார்.

காமெடி கதாநாயகனாக அவதாரம் எடுத்து வெற்றி பெற்ற நடிகர் சந்தானம், திடீரென்று ஆக்‌ஷன் கதாநாயகனாக ஆக வேண்டும் என்று ஆசைப்பட்டு அவஸ்த்தைப் பட்ட கதையை அனைவருக்கும் தெரிந்த விஷயம் தான்.

அதனால்தான் தற்போது காமெடி மட்டும் போதும் என்று முடிவு செய்துவிட்டார் போல தெரிகிறது.

இந்த திரைப்படத்திலும் முழுக்க முழுக்க காமெடிக்கு தான் முக்கியத்துவம் கொடுத்து கதாநாயகன் சந்தானம் எடுத்திருக்கிறார்.

காதல், ஆக்‌ஷன், செண்டிமென்ட் என அனைத்து உணர்வுகளையும் காமெடியாக கொடுத்து திரைப்படம் பார்க்கும் ரசிகர்களை குலுங்க குலுங்க சிரிக்க வைத்திருக்கிறார்.

இறப்பு வீட்டில் நடக்கும் காமெடி கலாட்டாவை கனகச்சிதமாக கையாண்டிருக்கும் கதாநாயகன் சந்தானம், வழக்கம் போல் தனது ரசிகர்களை முழு திருப்தியடைய செய்திருக்கிறார்.

இந்த 80ஸ் பில்டப் திரைப்படத்தில் கதாநாயகியாக ராதிகா பிரித்தி நடித்திருக்கிறார்.

கதாநாயகியாக நடித்திருக்கும் ராதிகா ப்ரீத்தி, அழகிலும் நடிப்பிலும் கதாபாத்திரத்தை உணர்ந்து நடித்து இருக்கிறார்.

கதாநாயகன் சந்தானத்தின் தங்கையாக நடித்திருக்கும் நடிகை கதாநாயகியை காட்டிலும் நடிப்பில் மூலம் அசத்தியிருக்கிறார்.

அவருடைய முக பாவனை, உடல் மொழி என அனைத்தும் திரைப்படம் பார்க்கும் ரசிகர்களை கவனிக்க வைக்கிறார்.

கதாநாயகன் சந்தானத்தின் தந்தையாக நடித்திருக்கும் நரேன் மற்றும் பெண் வேடம் போட்டு இறப்பு வீட்டுக்குள் நுழையும் ஆனந்தராஜ் இருவரும் திரைப்படத்திற்கு மிகப்பெரிய பலமாக அமைந்திருக்கிறது.

நரேன் இதுவரை நடித்திராத ஒரு கதாபாத்திரத்தில், நாம் பார்த்திராத தடிப்பை கொடுத்து மொத்த திரையரங்கையே சிரிப்பால் அதிர வைத்துவிடுகிறார்.

இயக்குனர் கே.எஸ்.ரவிக்குமார், மன்சூர் அலிகான் முனீஸ்காந்த், கிங்ஸ்லி, ஆர்.சுந்தரராஜன் மொட்டை ராஜேந்திரன் மனோபாலா மயில்சாமி மற்றும் சுவாமிநாதன் ஆகியோர் ரசிகர்களின் எதிர்பார்ப்பை பூர்த்தி செய்யவில்லை என்றாலும், திரைக்கதை ஓட்டத்திற்கு மிகப்பெரிய அளவில் உதவி இருக்கிறார்கள்.

ஒளிப்பதிவாலர் ஜேக்கப் ரத்தினராஜ், வியக்க வைக்கும் ஒளிப்பதிவு காட்சிகளை மிக நேர்த்தியாக கையாண்டிருக்கிறார்.

கம்மியான நாட்களில் எடுக்கப்பட்ட திரைப்படம் என்று சொல்கிறார்கள், ஆனால் திரைப்படத்தை பார்க்கும் போது அப்படி எதுவும் பெரிதாக தெரியவில்லை ஒளிப்பதிவாளரின் திறமைக்கு மிகப்பெரிய பாராட்டுக்கள்.

இசையமைப்பாளர் ஜிப்ரானி இசையில் பாடல்கள் அனைத்தும் இனிமையான மொலோடியாகவும், ஆட்டம் போட வைக்கும் அதிரடி பாடலாகவும் அமைந்திருக்கிறது.

பின்னணி இசை கதைக்கு ஏற்றவாறு அமைந்திருக்கிறது.

முழுக்க முழுக்க காமெடிக்கு மட்டுமே முக்கியத்துவம் கொடுத்து எடுக்கப்பட்ட திரைப்படம் என்பதால் எந்தவிதமான லாஜிக்கையும் பார்க்க கூடாது என்று இயக்குநர் கல்யாண், இந்த திரைப்படத்தில் மட்டும் அல்ல தனது அனைத்து திரைப்படங்களிலும் சொல்லி வருகிறார்.

அதனால், லாஜிக்கை பார்க்காமல் மக்களை சிரிக்க வைக்க கூடிய மேஜிக்கை மட்டுமே பார்த்தால், இயக்குநர் கல்யாண் இந்த முறையும் மிகப்பெரிய அளவில் வெற்றி பெற்றிருக்கிறார் என்பதுதான் உண்மை.

மொத்தத்தில், 80ஸ் பில்டப் திரைப்படம் நகைச்சுவை  பொழுது போக்கு படங்களை விரும்புகிறவர்களுக்கான விருந்து.