பூமர் அங்கிள் திரைவிமர்சனம்

நடிகர் & நடிகைகள் :- யோகி பாபு, ஓவியா, பாலா, தங்கதுரை, சேசு, ரோபோ சங்கர், எம் எஸ் பாஸ்கர், சோனா, மதன்பாபு, மற்றும் பலர்.

எழுத்து & இயக்கம் :- சுதேஷ் எம்.எஸ்.

ஒளிப்பதிவாளர் :- சுபாஷ் தண்டபானி.

படத்தொகுப்பாளர் :- இளையராஜா எஸ்.

இசையமைப்பாளர் :- சாந்தன் & தர்ம பிரகாஷ்.

தயாரிப்பு நிறுவனம்:- அங்க மீடியா.

தயாரிப்பாளர்கள் :- அன்பு, கார்த்திக்கே தில்லை.

கதாநாயகன் யோகி பாபு திருமணம் செய்து கொள்ளும் ரஷ்ய நாட்டு பெண்ணிடமிருந்து தனக்கு விவாகரத்து வாங்க முயற்சிக்கிறார்.

யோகி பாபுவின் மனைவியான ரஷ்ய நாட்டு பெண் நான் உனக்கு விவாகரத்து கொடுக்க வேண்டும் என்றால், கதாநாயகன் யோகி பாபுவின் பூர்வீக சொத்தான கிராமத்தில் இருக்கும் அரண்மனையில் நான் ஒரு சில நாட்கள் அந்த அரண்மனையில் வாழ வேண்டும், என்று கதாநாயகன் யோகி பாபுவின் மனைவியான ரஷ்ய நாட்டு பெண் நிபந்தனை விதிக்கிறார்.

அவரது நிபந்தனைபடி, அந்த அரண்மனையில் சில நாட்கள் அந்த ரஷ்யா நாட்டு பெண் தங்குவதற்கு சம்மதிக்கிறார் கதாநாயகன் யோகி பாபு,

இந்த அரண்மனையின் மேல் மாடிக்கு யாரும் போகக்கூடாது என்று கதாநாயகன் யோகி பாபு கட்டுப்பாடு விதிக்கிறார்.

ஆனால், ரஷ்ய நாட்டு பெண் மட்டும் அவ்வபோது அரண்மனையின் மேல் மாடிக்குச் சென்று அங்கு உள்ள அறை ஒன்றில் நுழைய முயற்சி செய்கிறார்.

கதாநாயகன் யோகி பாபுவினால் சிறுவயதில் நடந்த சம்பவத்திற்காக பழிவாங்க துடிக்கும் அவருடைய நண்பர்கள் சேசு, தங்கதுரை, பாலா மற்றும் ஊர் தலைவர் ரோபோ சங்கர் ஆகியோரும் அந்த அரண்மனைக்குள் நுழைகிறார்கள்.

இவர்களுடன் ஓவியாவும்அந்த அரண்மனைக்கு திடீர் வருகையாக, இவர்கள் அனைவரும் சேர்ந்து செய்யும் கலாட்டாவையும், காமெடியும் கலவரங்களையும் செய்து வருகிறார்கள்.

கதாநாயகன் யோகி பாபுவின் மனைவியான ரஷ்ய நாட்டுப் பெண் அந்த அரண்மனையில் தங்கியதற்கான விஷயத்தை தெரிந்து கொண்டாரா? தெரிந்து கொள்ளவில்லையா? என்பதுதான் இந்த பூமர் அங்கிள் திரைப்படத்தின் மீதி கதை.

கதாநாயகனாக நடித்திருக்கும் யோகி பாபு, வழக்கம் போல் கிண்டலும் கேளியுமாக வசனங்களை பேசி ரசிகர்களை சிரிக்க வைக்க முயற்சித்திருக்கிறார்.

அவரது வசனங்களில் சில இடங்களில் சிரிக்க வைத்தாலும், பல காட்சிகளில் கடுப்பேற்றும் விதமாக அமைந்திருக்கிறது.

திடீரென எண்ட்ரி கொடுக்கும் ஓவியா, அதிரடி காட்டுவது, ஒரு பாட்டுக்கு ஆட்டம் போட்டு ரசிகர்களை குஷிப்படுத்தவும் செய்திருக்கிறார்.

லொள்ளு சபா சேசு, விஜய் டிவி தங்கதுரை, விஜய் டிவி பாலா, ரோபோ சங்கர் ஆகியோர் திரைப்படம் முழுவதும் வந்தாலும், சில சில காட்சிகளில் மட்டுமே சிரிக்க வைத்திருக்கிறார்கள்.

கதாநாயகன் யோகி பாபுவின் மனைவியான ரஷ்ய நாட்டு பெண்ணாக நடித்திருக்கும் நடிகை, அவரது உதவியாளராக நடித்திருக்கும் நடிகை ஆகியோர் அரண்மனையை சுற்றி நடக்கும் மர்மங்களை கண்டுபிடிப்பதில் களம் இறங்க, அவ்வபோது காமெடி பட்டாளத்துடன் சேர்ந்து சிரிக்க வைக்க வேண்டுமென கடுப்பேற்றி இருக்கிறார்கள்.

ஒளிப்பதிவாளர் சுபாஷ் தண்டபானி காட்சிகளை கலர்புல்லாக திரைப்படமாக்கி இருக்கிறார்,

ஒளிப்பதிவாளர் சுபாஷ் தண்டபானி சிறுவர்களை கவர்வதற்கான பணியை தனது ஒளிப்பதிவு மூலம் சிறப்பாக செய்திருக்கிறார்.

இசையமைப்பாளர்கள் சாந்தன் – தர்ம பிரகாஷ் இசையில் பாடல்கள் மற்றும் பின்னணி இசை கதைக்கு ஏற்றவாறு பயணித்திருக்கிறார்.

முழுக்க முழுக்க திரைப்படம் பார்க்கும் ரசிகர்களை சிரிக்க வைக்க வேண்டும் என்ற நோக்கத்தில் திரைப்படத்தின் காட்சிகளை வடிவமைத்திருக்கும் இயக்குநர் ஸ்வாதேஷ்.எம்.எஸ்.

மொத்தத்தில், இந்த  ‘பூமர் அங்கிள்’ திரைப்படம் காமெடி என்ற பெயரில் திரைப்படம் பார்க்கும் ரசிகர்களை கொன்று குவிக்கிறார்கள்.