டென் ஹவர்ஸ் திரைப்பட விமர்சனம்

நடிகர் & நடிகைகள் :- சிபி சத்யராஜ், கஜராஜ், ஜீவா ரவி ராஜ் அய்யப்பா, முருகதாஸ், திலீபன், உதயா, தங்கதுரை, சரவண சுப்பையா, ஷாருமிஷா, நிரஞ்சனா, மற்றும் பலர்.

எழுத்து & இயக்கம் :- இளையராஜா கலியபெருமாள்.

ஒளிப்பதிவாளர் :- ஜெய் கார்த்திக்.

படத்தொகுப்பாளர் :- லாரன்ஸ் கிஷோர்.

இசையமைப்பாளர் :- கே.எஸ். சுந்தரமூர்த்தி.

தயாரிப்பு நிறுவனம் :- டுவின் ஸ்டூடியோஸ்.

தயாரிப்பாளர் :- லதா பாலு – துர்க்கைனி வினோத்.

ரேட்டிங் :- 3.5./5.

இளம் பெண் ஒருவர் நடுஇரவில் கடத்தப்படும் நிலையில் இதனை தொடர்ந்து அவருடைய தாய் மற்றும் தாத்தா காவல் நிலையத்திற்கு சென்று புகார் ஒன்றை அளிக்கின்றனர்.

புகாரின் அடிப்படையில் உடனடியாக கதாநாயகன் காவல்துறை ஆய்வாளர் சிபிராஜ் உடனடியாக விசாரணை தொடங்குகிறார்.

பெண் கடத்தப்பட்ட வழக்கை கதாநாயகன் காவல்துறை ஆய்வாளர் சிபிராஜ் விசாரணை செய்து கொண்டு இருக்கும் போதே, காவல்துறை கட்டுப்பாட்டு அறைக்கு அதிர்ச்சி அளிக்கும் வகையில் ஒரு போன் கால் ஒன்று வருகிறது.

இதில் தனியார் பேருந்தில் பயணம் செய்து கொண்டிருக்கும் ஒரு பெண் ஒருவர் கொடுமைப்படுத்தப்பட்டு அந்தப் பெண்ணை எப்படியாவது காப்பாற்றுங்கள் என ஆண் ஒருவர் காவல்துறை கட்டுப்பாட்டு அறைக்கு தகவல் கொடுக்கிறார்.

இதை அறிந்து அந்த பேருந்தை டோல்கேட் செக்போஸ்டில் காவல்துறையினர் பிடிக்கிறார்கள்.

அந்த பேருந்திற்குள் கதாநாயகன் காவல்துறை ஆய்வாளர் சிபிராஜ் சென்று பார்க்க, அங்கு காவல்துறை கட்டுப்பாட்டு அறைக்கு அந்தப் பெண்ணை காப்பாற்றும் படி கால் செய்த நபர் இறந்து கிடக்கிறார்.

ஒரு இளம் பெண் கடத்தப்பட்டு இருப்பதும் ஒரு பெண் ஒருவர் பேருந்தில் கொடுமை செய்யப்படுகிறார் என காவல்துறை கட்டுப்பாட்டு அறைக்கு தகவல் தெரிவித்த நபரும் பேருந்தில் இறந்து கிடக்க என அடுத்தடுத்து அதிர்ச்சி சம்பவங்களை கதாநாயகன் காவல்துறை ஆய்வாளர் சிபிராஜ், இதற்கெல்லாம் யார் காரணம் என குற்றவாளியை காவல்துறை ஆய்வாளரான சிபிராஜ் கண்டுபிடித்தாரா? கண்டுபிடிக்கவில்லையா?  என்பதுதான் இந்த டென் ஹவர்ஸ் திரைப்படத்தின் மீதிக்கதை.

இந்த டென் ஹவர்ஸ் திரைப்படத்தில் கதாநாயகனாக சிபி ராஜ் நடித்திருக்கிறார்.

கதாநாயகனாக நடித்திருக்கும் சிபிராஜ் இதுவரை பல திரைப்படங்களில் காவல்துறை அதிகாரி கதாபாத்திரத்தில் நடித்திருந்தாலும், டென் ஹவர்ஸ் திரைப்படத்தில் சற்று மாறுபட்ட நடிப்பை மிக அருமையாக வெளிப்படுத்தியுள்ளார்.

நீதி எதிராக எவர் ஒருவர் செயல்பட்டாலும், அவருக்கு இரக்கமே காட்டக்கூடாது என்கிற கொள்கையுடன் உள்ள காஸ்ட்ரோ என்கிற கதாபாத்திரத்தில் மிகச்சிறப்பாக நடித்துள்ளார்.

அதே போல் ஒரு கேஸை விசாரிக்கும் விதத்திலும் கதாநாயகன் சிபி ராஜின் நடிப்பு பாராட்டக்கூடிய வகையில் அமைந்துள்ளது.

மேலும் இந்த டென் ஹவர்ஸ் திரைப்படத்தில் நடித்திருக்கும் கஜராஜ், ஜீவா ரவி ராஜ் அய்யப்பா, முருகதாஸ், திலீபன், உதயா, தங்கதுரை, சரவண சுப்பையா, ஷாருமிஷா, நிரஞ்சனா, ஆகியோரின் நடிப்பும் திரைப்படத்திற்கு மிகச் சிறப்பு சேர்த்து இருக்கிறது.

மேலும், திரில்லர் திரைப்படத்தில் கதை மற்றும் திரைக்கதைக்கு வில்லன்தான் மிகமிகவும் முக்கியம் ஆனால் வில்லனுக்கு உதவியாக வரும் பஸ் டிரைவர் கதாபாத்திரத்தில் இருந்த வலு, வில்லனுக்கு இல்லாதது திரைப்படத்தின் மிகப்பெரிய மைனஸ்.

ஒளிப்பதிவாளர் ஜெய் கார்த்திக்கின் ஒளிப்பதிவு மூலம் காட்சிகள் அனைத்தும் கதைக்கு ஏற்றவாறு மிகச்சிறப்பாக பயணித்திருக்கிறார்.

இசையமைப்பாளர் கே.எஸ். சுந்தரமூர்த்தி யின் இசையில் பாடல்கள் மற்றும் பின்னணி இசை திரைப்படத்திற்கு மிகப்பெரிய அளவில் பலம் சேர்த்திருக்கிறார்.

படத்தொகுப்பாளர் லாரன்ஸ் கிஷோரின் படத்தொகுப்பு திரைப்படத்தில் இன்னும் கூட கொஞ்சம் வேகமாக இருந்திருக்கலாம்.

தனது அறிமுக இயக்கத்திலேயே அருமையாக கதையை தேர்ந்தெடுத்து ஒரே இரவில் 10 மணி நேரத்தில் ஒரு திரில்லர் கதைக்களத்தை கையில் எடுத்து அருமையான திரைக்கதையை வடிவமைத்து மிகச்சிறப்பாக இயக்கியிருக்கிறார் இயக்குநர் இளையராஜா கலியபெருமாள்

மொத்தத்தில் டென் ஹவர்ஸ் முற்றிலும் மாறுபட்ட படமாக அமைந்தது உள்ளது.