ஐமா திரைவிமர்சனம் ரேட்டிங் :- 2.5./ 5.

நடிகர் & நடிகைகள் :- யூனஸ், எல்வின் ஜூலியட், அகில் பிரபாகரன், ஷாஜி, ஷீரா, மேகா மாலு, மனோகரன், சண்முகம் ராமசாமி, மற்றும் பலர்.

எழுத்து & இயக்கம் :- ராகுல் ஆர்.கிருஷ்ணா.

ஒளிப்பதிவு :- விஷ்ணு கண்ணன்.

படத்தொகுப்பு :- அருண் ராகவ்.

இசையமைப்பாளர் :- கே ஆர்.ராகுல்.

தயாரிப்பு நிறுவனம் :- தமிழ் எக்ஸாடிக் பிலிம்ஸ்.

தயாரிப்பாளர் :- சண்முகம் ராமசாமி.

ரேட்டிங் :- 2.5./ 5.

கதாநாயகன் யூன்ஸ் தனது தாயின் உடல் நிலை மிகவும் மோசமான நிலையில் இருப்பதால் அவரை மருத்துவமனையில் சேர்க்கிறான்.

கதாநாயகி எல்வின் ஜூலியட் அதேபோல் விபத்தில் சிக்கி அதே மருத்துவமனையில் சிகிச்சைக்காக சேர்கிறாள்.

ஒரு நேரத்தில் இவர்கள் இருவரையும் கடத்தி ரகசிய அறையில் அடைத்து வைக்கிறார்கள்.

கை கால் கட்டப்பட்டு கிடக்கும் இவர்கள் இருவரும் ஒரு வழியாக அதிலிருந்து மீண்டு அந்த இடத்திலிருந்து தப்பிக்க முயல்கின்றனர்.

ஆனால் இவர்கள் இருவரையும் கடத்தி வரும் பேர்விழி ரகசிய திட்டம் தீட்டியிருக்கிறான்.

அதற்காக இருவரையும் சித்ரவதை செய்கிறான்.

கதாநாயகன் யூன்ஸ் கதாநாயகி எல்வின் ஜூலியட் இருவரையும் ஏன் கடத்தினான், எதற்காக கடத்தினார்கள் கடத்தல்காரனின் திட்டம் என்ன என்பதுதான் இந்த “ஐமா” திரைப்படத்தின் மீதி கதை.

இந்த ஐமா திரைப்படத்தில் யூனஸ் கதாநாயகனாக நடித்திருக்கிறார்.

கதாநாயகனாக நடித்திருக்கும் யூனஸ் துடிதுடிப்பான இளைஞராக வருகிறார்.

சில கோணங்களில் சில் காட்சிகளில் நடிகர் விஜய்யை நினைவூட்டுகிறார்.

இவருடைய கதாபாத்திரத்தை உணர்ந்து நடிப்பில் இயக்குநர் சொன்னதை மிக அருமையாக செய்துள்ளார்.

இவருடைய நடிப்பில் குறை சொல்ல ஒன்றும் இல்லை.

இந்த ஐமா திரைப்படத்தில் கதாநாயகியாக எவ்லின் ஜூலியட்நடித்திருக்கிறார்.

கதாநாயகியாக நடித்திருக்கும் எவ்லின் ஜூலியட் அந்த இடத்தை விட்டு தப்பிக்கும் காட்சிகளில் நல்ல முக பாவங்களைக் காட்டியுள்ளார்.

அவரது திரைத் தோற்றம் திருப்தியாக உள்ளது.

வில்லனாக நடித்திருக்கும் தயாரிப்பாளர் சண்முகம் ராமசாமி குறையில்லாத நடிப்பைக் கொடுத்து வில்லத்தனம் காட்டுகிறார்

வில்லனாக வரும் சண்முகம் ராமசாமி வித்தியாசமான கெட்டப்பில் வந்து மிரட்டி உள்ளார்.

“இவன் அவனில்லை அவ இவனில்ல” என்ற பாணியில் ஒரு வசனம் பேசி பொடி வைக்கிறார் வில்லன் சண்முகம் ராமசாமி.

ஒளிப்பதிவாளர் விஷ்ணு கண்ணன் குறுகிய அறையில் காட்சிகளை சுழன்று திரைப்படமாக்கியிருக்கிறார்.

இசையமைப்பாளர் கே ஆர்.ராகுல் இசையில் திரைப்படத்தில் மொத்தம் பத்து பாடல்கள் இடம் பெறுகிறது.

சஸ்பென்ஸ் த்ரில்லரில் 10 பாடலா என்றால் ஆமாம் 10 பாடல் தான்.

கிளைமாக்ஸ் முடிந்த பிறகும் திரையில் பாடல் தொடர்கிறது.

கதாநாயகன் யூன்ஸ் கதாநாயகி எல்வின் ஜூலியட் கதாபாத்திரங்களின் மூலம் தற்கொலை செய்து கொள்ள முடிவெடுப்பவர்கள் தங்கள் உயிருக்கு ஆபத்து என தெரிந்ததும் அதிலிருந்து தப்பித்து உயிர் வாழவே எண்ணுகிறார்கள் என்ற உளவியல் உண்மையைக் காட்டியுள்ளார்கள் இயக்குனர் ராகுல் ஆர்.கிருஷ்ணா.

இயக்குனர் ராகுல் ஆர்.கிருஷ்ணா ஹாலிவுட் சைன்ஸ் பிக்ஷன் பாணியில் கதையை சொல்ல முயன்றிருக்கிறார்.

திரில்லர் படம் என்ற சமிக்ஞை திரைப்படத்தின் தொடக்கத்திலேயே தெரிகிறது.

பேய் படமாக இருக்குமோ என்று யோசிக்க வைத்து மெல்ல, மெல்ல சைன்ஸ் பிக்ஷனாக மாறுகிறது.

தப்பிக்க முயல்வதற்கான க்ளு கண்டுபிடிக்க ஹீரோவை நச்சென்று லிப் டூ லிப் கிஸ் கொடுத்து சடன் கிக் ஏற்றுகிறார் ஜூலியட்.

காட்சிகளில் இன்னும் கூட விறுவிறுப்பு சேர்த்திருக்கலாம்.

ஐமா என்றால் என்ன என்று இயக்குனரிடம் கேட்டதற்கு கடவுள் சக்தி என்றும் பொருளாம் என கூறினார்.

மொத்தத்தில் ஐமா திரைப்படம் சர்வைவல் சஸ்பென்ஸ்.